La vie

#نمط_عيش
(و العيش شيء غير الحياة)

فاش كاتبغي راسك، كاتبغي روحك و الجسد ديالك، فاش تاتكون عارف راسك اش باغي، و شكون نتا، و شنو الهدف ديالك و فين باغي توصل .. ماتحتاجش تسول شيحد، ولا تديها فشيحد، ولا تشرح لشيحد.
الناس اللي تايبقاو يفسرو، ويشرحو، ويبينو حوايج اصلا ماسوق تاحد فيهوم ، راه مريض، يا نفسيا يا عقليا. ولا منافق. وتا وحدة فيهوم ماحسن من الاخرى.
ماتنساش بلي دينك، معتقدك، اديولوجيتك،علاقاتك، اهدافك و حياتك الشخصية ، راه ديالك، بوحدك! نتا تاتحكم فيهوم ماشي العكس، نتا تاتختارهوم ماشي العكس، و تاكد بلي ماحد شيحاجة مفروضة عليك، راك مازال مالقيتي راسك. و فاش تادير حاجة بكامل ارادتك ونتا مقتانع بيها اللي دوا غايجيك غا تايخربق.

عادي ماشي كلشي تايلقى راسو، و كاين اللي تايرض راسو الشخص الغلط! داكشي علاش حنا عايشين مع بنادم مريض فراسو شوية.

ماحدك تاتكلاصي الناس علا اساس دينهوم، لونهوم،اصلهوم، اشياء خصوصية ديالهوم، ولا تاتكلاصي الناس اصلا كيفما كانت الوسيلة، وحتا الغاية عرف بلي راك غا تاتستهلك أكسجين الأجيال القادمة.

فاش بنادم تايخليك ويشوف شخص اخر، ونتا تبقا لاصق فيه، وتاتخرج الاشاعات باش ترضي المازوشيست اللي فيك ، وتايعجبك اللي يملكك و يحكم فيك وينخلك وتايعجبك تبان مظلوم و مسكين و كولشي معدي عليك باش تحس باللذة،  عرف راسك بلي راك غا حي ماشي عايش .

فاش تايصحاب ليك راسك وصلتي حيت قرتي 2 حروف ديال المدرسة و 2 كتوبة ديال باولو .. عرف راسك غا مgيد ، وعاجباك التكgييدة .

فاش تادير شيحاجة باش ترضي شيواحد، ولا تبين لشيواحد شيحاجة، راك غا تاتخربق.

  فاش تاتنسى راسك شكون نتا، و شنو درتي، و فين وصلتي ، و تاتبان ب واليديك و اش دارو، عرف راسك مازال واقف فالعتبة.

فاش تاتستغل ناس ضريفين، و ملي تسالي تقلب علا كولشي ، تحت ذريعة هوما اللي خايبين و اذاوني، و اللي ماقلبتيش عليه تاتنافق فيه، عرف راسك مريض.

فاش تايصحابك العالم تايدور عليك، وبنادم حاضيك، و اللي دوا راه دوا عليك، عرف بلي جاك الوسواس القهري و حالتك صعيبة.

فاش تاتخلق شخصية أخرى و وجه اخر و حياة اخرى باش تتفلى علا الناس تدوي معاهوم و تدير بلاصتك بيناتهوم، عرف راسك مازال تا مالقتي تا راسك، مازال تا ما حاولتي .

فاش تاديرهوم ب 18 بالتخبية، و الي دار شيحاجة تاتهاجموا ..

فاش راسك مامحكمش فيه وتبغي تحكم فالناس،

فاش الضحك تايكون فيك، و تاضحك علا الناس ،

فاش فاش فاش و فاش ... عرف راسك غا تاضيع وقتك، وفين ما وصلتي غاتبقا مكلاصي مع المراض ،و كيما كنتي عمر شيحد ايعتابرك مثقف، ولا قاري ولا واصل ..

الهدف ديال للإنسان يعيش مرتاح، وباش تعيش مرتاح خاصك تبغي راسك، تما غاتوصل لواحد المرحلة غاتولي فيها محايد، لا من جيهت الفلوس، ولا الدين، ولا الاصل واللون و اللغة. تما غاتولي مستقل من العالم و تقد تعيش بوحدك واخا النباح كثير. اصلا داكشي كامل غا عبث، حوايج مادايمينش.

 و ماتنساش بلي "نظم المجتمع" حطوهوم ناس عاديين، غير كاملين، واخا يتجمعو كاملين، و داكشي تايتطور، ايوا لاتبنيش حياتك علا حاجة اصلا ماشي مؤكدة.

تايعجبني نعيش فجماعة ، ولكن ختارين نعيش بوحدي. ولا معا الي نحس بيه بحالي.
تاندوي 5 اللغات، و تاتعجبني العربية حيث تاتوصل حسن.
و باغا نوصل ، لكن ماشي علا ظهر شيواحد.
و الدين حاجة زوينة، ولكن ختاريت نبعدها من دماغي و مانربطش بيها اي حاجة فحياتي.
تايعجبني الفن، و اي حاجة تانشوف فيها الجمال.
و عندي افكاري و معتقداتي، و ماتانهاجمش اي واحد ضدي .

تايعجبني نعيش فالمجتمع، وحيث ماشي كولشي بحالي، ختاريت نعيش بوحدي.

Mariage

#تطور_الزواج

ارتباط زوجين وتربية الأطفال أمر قديم بقدم الإنسانية نفسها ، ملي بانت المجتمعات الزراعية المستقرة هادي 10 آلاف سنة كان الزواج واحد الطريقة لحماية الحق فالأرض و الممتلكات من خلال جعل أطفال مولودين تحت ظروف معينة ورثة شرعيين . ملي هاد المجتمعات ولات اكثر اتساعا و تعقيدا الزواج مابقاش غير مسألة بين الأفراد و العائلات بل كذلك مؤسسة رسمية تتحكم فيها السلطات الدينية و المدنية ، و كانت مؤسسة معترف بيها قانونيا سنة 2100 ق.م باش كانت القوانين المكتوبة لي بقات من قانون "أرو نمو"  تملي التفاصيل التي يجب توفرها في الزواج من عقوبات زنى إلى المكانة القانونية لأطفال العبيد .
بززاف الحضارات القديمة سمحت ببعض أشكال الزواج المتزامن متعدد الأطراف ، و حتى فاوقاتنا هادي فإن ربع ثقافات العالم تمنعها ، لكن مجرد كون أمر ما مسموحا به لا يعني انه دائما ممكن . الحقائق الديموغرافية و الرابط بين الزواج و الثروة كاتقولنا انه واخا النخبة و الحكام فبلاد الرافدين القديمة و مصر و إسرائيل كان لهم عدد الزوجات و المحظيات، معظم عامة الشعب ماكانوش يقدرو ينفقوا الا على زوجة وحدة ولا زوج كاع مما يميل الى الزواج الأحادي ، فبلايص اخرين الامر مختلف حيث ان بامكان المرأة الحصول على عديد من الأزواج كيما فجبال الهملايا حيث ان كاع الإخوة من عائلة واحدة كايتزجو نفس المرأة للحفاظ على الأرض الخصبة الصغيرة من الاقتسام بين أسر جديدة.
الإعتراف بالزواج المثلي من قبل العموم كان قد ظهر في مختلف الحضارات على مر التاريخ ، الصلوات من بلاد الرافدين كانت تحتوي على مباركة لهاد الأزواج ، بينما حظي الأمريكييون الأصلييون بعلاقات مع كلا الجنسين ، الحالات الأولى التي تعتبر هذه الإرتباطات في خانة الزواج جات من روما ، فاش تزوج الإمبراطوران نيرو و إيلاغابالوس من رجال فاحتفالات علانية ، و لكن الأمر ولا ممنوع سنة 342 بعد الميلاد واخا تقاليد مشابهة بقات لواحد الفترة فالحقبة المسيحية مثل تقليد Adelphopoiesis او "صناعة الاخوة" في الكنائس الأرثودوكسية بل و حتى زواج فعلي بين رجلين تم تأريخه في كنيسة صغيرة إسبانية سنة 1061.
الزواج لم يكن ضروريا فقط بين شخصين على قيد الحياة ، زواج الأشباح : حيث يكون أحد الأطراف ميتا، كان امر يحدث فالصين بهدف مواصلة النسل العائلي أو لإرضاء الأرواح الغير هادئة ، و بعض القبائل فالسودان مازال محافظة على بحال هاد الممارسات .
رغم كل هذه الإختلافات ، فإن عديدا من الزيجات عبر التاريخ كان كايجمعها امر مشترك مع تواجد امور جدّية كالأملاك و التكاثر على المحك لقد كانت في غاية الأهمية لجعلها مرتكزة على الحب ، خاصة فالطبقات الثرية ، كان الزواج مدبر من قبل العائلات او الحكام.
الفكرة الحديثة للزواج عن كونه يرتكز على الحب و العشرة بانت غير هادي واحد القرنين من الزمن مور الثورة الصناعية و التمدن و نمو الطبقة الوسطى ، اصبح عدد اكثر من الناس مستقلين عن العائلات الكبيرة الممتدة و كانو قادرين على إنشاء اسرة جديدة بوحدهم .
مع وجود أفكار جديدة مشجعة من عصر التنوير بداو الناس يركزو على السعادة الذاتية و البحث عليها فبلاصة مايركزو على واجباتهم الأسرية او المنصب او الثروة لفترة وجيزة من الزمن ، و هاد التركيز على السعادة الفردية قاد سريعا الى تحولات أخرى ، مثل تخفيف القيود على الطلاق و تأخر سن الزواج .
فاش ناقشو هدف و مفهوم الزواج فالعالم الحديث من المفيد نديرو فبالنا ان الزواج كان دائما نتاج المجتمع و مع تغير بنية هاد المجتمع و مبادئه و أهدافه مع الوقت فحتا أفكارو حول الزواج غاتبقا تبدل وفقا لذلك .
شكرا على القراءة ❤️
بس : الصورة من فيلم Allied تفرجو فيه

غسل الوجه

#لافاج_دو_فيزاج

المشكل ديال وقتنا هو أنه كلشي ولى بالمظاهر , القشور دارو إنقلاب و هوما لي ولاو حاكمين  مجمل مناحي الحياة الإجتماعية ديالنا , المقود هو أنه المظاهر مبقاتش غير مجرد أداة للتفريق الطبقي و غير بارة بين البشري , دخلنا فواحد الدوامة ديال تقديس لومبالاج  و خلينا اللب ديال أي حاجة ,  بنادم فهاد الوقت كيصلي على سجادة ديال الدهب و لكن القبلة فالجهة لاخرا , للأسف هادشي كينطابق تا على العلاقات الغرامية ,  في ظل عصر الويفي فكل قنت و الأفلام بيراطي فيهم قوة الزعت و لي سيري كاملين خيال عاطفي و الكليبات ديال التقحبين و الهضرة فازكة , شيئ عادي يولي الحب فنظر الكتاكيت ديال هاد الوقت مجرد زواق و تويشيات و تناوي , الحب ولى كيتقاس فوقتنا بتصاور  " واو فلان و فلانة كيلوحوا تصاور فلانسطا شحال كيبغوي بعضهم " ولى لاموغ هو تشد لساطة فيدها أمام الملئ ولا تشري ليها الورد و تبوسطي ليها فالمير " أحببتك فغار مني القمر " و  ف 12 فبراير تلبس الحمرفحال الغلاقة ديال كوكا و تدير ليها سوبرايز فالخدمة ولا فالقراية  تبقى تنقز عليها فحال القرد ... مزيان تبينوالحب لبعضكم وي ... مي ماشي للناس أزبي .  بزاف شادين حاجة زوينة فحال الحب من بلاصة خايبة ( نقدرو نقولو على الزك بلاصة خايبة ؟ ) , كيبقاو فيا دك الناس لي كيشوفو فسارة و أبوجاد كوبل مثالي ولا فدك فالمراكشي و تونسية هوما عصافير الحب ... الواليدا ديالي كتقولي ديما " الزواق كيطير كيبقى غير الصح الصحيح " لاموغ ماشي هو سنابات معانقين ولا مشادين اليدين كتاكلو سوشي ... لاموغ ماشي هو تدير فيديو جايب ليها الشكلاط و تبوسك و تقولك جوطيم ...  ثيق بيا جوج لي كتباغاو بصح جامي غادي يبغوي يبينوا داكشي لبنادم ولا يقولو ليه " كوكو شوفنا وي أر إن لوووف "  حيت ببساطة عارفين بلي داكشي لي يبناتهم كبر من أن وحدين أخرين هوما لي يحكموا عليه  ...  الحب كبر من هادشي كامل , الحب فوندو , عرفتي الحب فين كيبان ؟ فالمصايب ولد القحبة ههه عند المواج الكبار كيبانو العوامة , الحب و المخزن فالبلاد فحال فحال , وقت المشاكل كيغبرو للأسف  وقت الفرح كلشي غادي يبغي يشاركها الضحكة و لكن فالوقت المقود غادي يبكي معاك غير كيبغيك ديال بصح , هادشي كينطابق تا على لي غولاسيون , فأخر المطاف غادي تلقى فجنبك غير " الصح الصحيح " , وقت الزهو و التصاور و التسركيل و الضحك غادي تكون معاك و تقول ليك نتا حب جياتي و جامي نتفارقو و لكن نهار غاي تأزم الأمور بيناتكم و يقوى الصداع و المشاكل غادي تقولك انا عييت من هادشي و مغاديش نتفاهمو من الأحسن نسالوي و غادي تخلي ربك بواحد زربة ديال لوطيس دو لييغ ... و دك ساعة سير مسح بدك تصاور طرمتك ههه , هادشي حيتك بأبسط مثال ,  "مشاكل بيناتكم" ... اما أزبي إيلا جيت نشرح ليك كيفاش أنه إيلا طحتي فشي مشكل خارجي واخا غير بسيط تقدر تدير ليك سوس لبن خصني مقدمة إبن خلدون , كنعرف واحد الساط مفاليداش سالات معاه الساطة  هههه الماكياج را كيزول غير بكاس ديال الماء , دونك براكا ماديرو الماكياج لي غولاسيون ديالم حيت لدنيا را دايرا فحال سرباي ديال القهوة , هازة صينية و كدور ههه فأي وقت تقدر تجيب ليكم الكاس ديالكم

المملكةالعربية السعودية

#المملكة_العربية_السعودية

 فالكتاب ديال (العالم ما بعد الولايات المتحدة) للكاتب ديالو #فريد_زكرياء لي قال بلي دول مثل الصين و الهند و البرازيل و تركيا و #السعودية غادين يحتلو الريادة في العالم , قلت ارى نشوف هذ الناس لي كيقولو عليهم شاربو بول البعير كيفاش البلان ديالهم و نقارنهم مع شاربو البيرة لي هما حنا ؟ و انا نمشي نقلب و لقيت هذ المعلومات :
          تاريخ تأسيس المملكة:  1932 , عدد سكان :27 مليون نسمة , المساحة: 2,250,000 كيلومتر مربع , اكبر دولة في الشرق الأوسط  من حيت مساحة .
       الصناعية:  كتعتمد على النفط و الغاز الطبيعي و تكرير بتروكمياء , الأولى عالميا في انتاج النفط و احتياطه , الخامس في احتياط الغاز الطبيعي , و كينا بزاف اشياء لي كتصنع لكن انا ركزت على الأهم , لكن رؤية المملكه لي سنة 2030 هي تولي دولة صناعية و ترجع هذ المحروقات غير ثانوي .
      متوسط الدخل الفردي للمواطن السعودي حولي :30ألف دولار في السنة قريب 30 مليون سنتيم مغربية في حين حنا باقين كنعشو على اقل من دولار في اليوم.
   
       التعليم: عند شاربي بول البعير هارب بزاف على شاربي البيرة , حسب تصنيف الأخيرة للجامعات حول العالم ,منظمة #كيو_إس QS قائمة كانت فيها 863من جامعات العالم جات (جامعة الملك فهد للبترول و المعادن ) الرتبة 216 عالميا و الأولى عربيا و أربعة جامعات ضمن العشرة الأولى عربيا كلها سعودية و حده من لبنان الجامعة الأمريكية 3 من الإمارات وواحدة من البحرين , وفينك يا المغرب بلد التفتح الفني و مهرجان موازين !!! تقرير كانت نشرتو هسبرس قالت بلي جامعات المغرب ليست ضمن قائمة 1000 ألف جامة في العالم , و فينك يا جامعة الأخوين اه بلحق يمن تكن جامعات المغرب الأولى جنسيا في العالم ممكن
     مؤشر التنمية البشرية الصادر سنة 21 مارس 2017 عن الأمم المتحدة لي المقر ديالو في ستوكهولم شاربي بول البعير في المرتبة 38 عالميا و الثانية عربيا بعد قطر و لي موراهم كاملين ول خليجية,  دولة آمير المؤمنين عرفتو شمان مرتبة ههههه أقسم بالله تا تصدمت دول فيها الحروب متقدمة علينا , جينا مرتبة 123 قبل منا العراق لي فيها الحرب هههه و ليبيا ويا ربي اش هذ شي و صر تا هي , اعطني بيرتي و غني هههه
   الصحة عاوتاني بلا متهضر سكانير لي كنديروه 1500 درهم و دواء لي نشرواه بزبالة فلوس ....كامل فابور, في السعودية متوسط أمد الحياة بين 73/76 حنا كيوصل خمسين سنة كيبدا يترعد و يشدو زهايمر , و معندومش العملية بعشرون مليون اولا مرأة تولد في زنقة بحالنا ابدا بحال مستشفى لي فسيدني اولا سيول بحال لي فجدة نفس التجهيزات و الكوادر , غير باش نزيدك سعوديه توصلو الأطباء ديالها يفصلو توأمين متلاصقين هذ شي غير شوية من بزاف ...
  مؤخرا السعودية صنعت طائرة(أن 132AN) متعددة الإختصاصات نقل ركاب و البضائع حولي 10أطنان و حتى بعد مهام عسكرية بشراكة مع أوكرانيا  ,  السعودية هي الأولى عربيا من ناحية طائرات الحربية المتطورة,  خامس مساهم في صندوق النقد الدولي , عندا صندوق سيادي بحوالي 600 مليار دولار ...
   المغرب منين كضربو الحزقة كيمشي يرغب ويسعى باش يجيب فلوس من عند شاربي بول البعير باش يوكل شعب البيرة في الأخير يجي حزووووق يقولك السعودية و الخليج مكلخين نوض من نعاس را 2017 ماشي 500 ميلادية منين كانو بجمال و ديك تخربيق باقي كتفرج فلم الرسالة,  لولا هبات الخليج لكان المغرب في خبر كان وهذا بشهادات المحللين و نقاد و كبار المصرفيين , بنادم كيكل النعمة و كيسب الذيمة ختو كتصيفطلو الفلوس من تما و هو داير فيها مسخوط  و اذا عطيته فيزا لتما يبات ما يصبح ...
       انا ماشي مع السعودية حيث ما فيهاش الديمقراطية مجرد عائلة عصابه كتحكم على عباد الله. و كاينين ومواطنون سعوديون كيعيشو الفقر المدقع و انتهاكات حقوق الإنسان و انعدام الحرية و بزاف الأشياء لكن انا ضرت على الإقصاد و الصناعة صراحة الناس وصلو و غادين فطريق نتمنى نديرو بحال لي دارو و نمشو بعيد تا حنا سعودية عندا النفط تا حنا عدنا الفسفاط و البحار باش فايتنا ؟
  الخاتمة (لا تقارني بغيري )
  تحياتي/القناص

Mitochondria

#نظرية_الميتوكوندريا

المهم هدا النهار انعاود ليكم واحد البلان غريب على واحد النظرية .. لي كاتقوول بلي الميتوكوندريا كانت باكتيريا ودخلت للخلية وتحولة لعضية مجهرية مهمة
الميتوكندريا : واحد الموطور صغير وسط من الخلية كاتساهم فظاهرة التنفس الخلوي .. يعني كاتفورني الطاقة للخلية ولبنادم من الآخر ، هدا العضية كاتجيب الطاقة ديالها من برى الخلية ولي هي الڭليكوز (على شكل حمض البيروفيك) من بعد كاتشدها وكاتحول على شكل طاقة لي بغا يفهم الميكانيزم كيف كايوقع (نلوح ارتيكل آخر على تدفق الطاقة) من بعد هدا الطاقة لي كاتكون على شكل فوسفاط (ATP) كاتساهم فتحرك الخلايا والكونطراكسيون ديال العضلة وفالتنفس وفبزاف ديال الحوايج .. المهم كايقوولو بأن هدا هدا الموطور جا من برا يعني كان على شكل بكتيريا ودخل وتأقلم مع الوسط السيتوبلازمي وداك الشيء كلو في إطار (التشاركية وتبادل المصالح)  الخلية كاتوفر ليها المواد اللازمة باش تعيش (السكر) وهي كاتعطي الطاقة على شكل فوسفاط ATP وكتقضي مدة الحياة ديالها بيخير من بعد كاتجيها الموت،
لي خلى العلماء يشكو فالبلان ديال الاصل ديالها بكتيريا حيت هي العضية الوحيدة لي عندها 'ARN' و ريبوزومات ( كايساهمو فترجمة ARN) ، وعندها غشاء خارجي وداخلي وحيز بيغيشائي لي ماكنينش عند العضيات وهدا البلان كايكون عند الخلايا او البكتيريا,كاتصنع انزيمات وبروتينات خاصة بيها يعني ڭاع ماكاتسوق للخلية ولا لشي حمض نووي;
كايڭولو بانها من كانت الحياة شحال هدا باديا وكانت يالله البروطوزوير او خلية وحدة دخلت هدا البكتيريا ودارت بلاصتها ^ـ^ تا وصلة لهدا النيڤو ..
ومازالت لحد الآن الابحاث جارية...

#Mitochondria #ADN #ARN

TATTOOS

#Tattoos

"Your past doesn't define you , and that beauty can come out of pain"
ملي كايتلاقا الفن مع المعاناة الجسدية كايعطي "الابداع"
بزاف د ناس كايتلاحو للتاتواج حيت موضة ؛ وحدين كايتلاحو ليه باش يفكرهم ف شي واحد ولا شي حاجة سبيسيال عندهوم .. ولكن كاينين وحدين اخرين كايديروه لسبب مقنع اكثر .. لي هو "يخبيو شي ااثر دائم ف الجسد ديالهوم باغيين يتناساوه"

هادو ناس كل واحد فيهوم كيفاش كانت المعاناة ديالو .. لي كان كايعذب راسو Self harm ف فترة معينة من حياتو ... لي دار عملية جراحية و بقا ليه scar ..الخ .. هوما ف الاصل ما حشمانينش من تكون ف الجسد ديالهوم شي امارة حيت هاديك بيريوض من حياتهوم واخا يحاولو ينساوها ماغاتمحاش من ذاكرتهم.. مي قررو يشوفو ال Bright side من داكشي لي وقع و يخرجو منو شي حاجة "تسر الناظرين" .. حيت كيفما كان الحال فينما تجي عينيك على ديك الامارة ف لحمك غاتبدى تفكر شنو داز عليك و شنو قاسيتي و كيفاش تجاوزتي داكشي بصعوبة.. و سيغتو أن بنادم ما كايرحمش وإلا شاف تاتواج يقدر ينتاقدك ب عنف بدون ما يعرف القصة من موراه و هادشي كايزيد يأزم الشخص

ممكن scar يتخبى كليا ب Tattoo بحيت كايحاولو بعد المرات يربطو الفكرة د Tattoo مع شكل Scar و لا لي كايخليه و كايجي للجوانب ديالو و كايكتب عليه شي حاجة مثلا Strong (يعني واخا المعاناة لي دوزت عدت بقوة)

- كاين لي ف صغرو طاح شي طيحة خايبة خلات فيه اثر مدى الحياة .. من صغرو و هو هازو معاه و كاتفكرو كيف كان بين الحياة و الموت ف لحظة طيش ولا حادثة بالصدفة

- كاين لي حتال مرحلة متقدمة من عمرو لقى عندو cancer عانى باش يتداوى و كملها ب المعاناة فاش كل نهار كاتجي عينيه على Scars لي بقاو كأثر على العلاج

- كاين لي عضو كلب فاش كان صغير من غير طراس لي خلا ليه ف لحمو اثر عليه حتا من الناحية النفسية و كبر ب فوبيا من الكلاب ..

- كاين لي دار عملية جراحية على مستوى الركبة ولا الفخد ولا العنق ولا الصدر ولا العمود الفقري ولا اي بلاصة ف الجسد و كان عرضة ل معاناة جسمانية و نفسية صعيبة بزاف

- كاين لي عندو scars نتيجة اعتداءات وقعو ليه ف حياتو ... سوا ف صغرو من طرف احد الوالدين او صحابو ف المدرسة ولا ف الحي ؛ سوا اعتداء جسدي بين الازواج .. سوا اعتداء د شي شفار بغى يgريسي صدق مخسر الاخر ف يدو ولا ضهرو ولا .. ولا ... الخ

- كاين الناس د self harm بالعراام .. ملي كاتكون ف بيريوض د Depression و Anxiety او بالاحرى كاع ال Mental illnesses .. ف لحظة ما بدون شعور كاتبدى ف التعذيب الجسدي ل راسك بدون رحمة ولا شفقة و كاتبغي تخرج داك الالم لي عندك الذاخل لأرض الواقع

- كاينين ناس لي فاتو Depression و وصلو ل مرحلة ولاو فيها Suicidal .. حاولو ينتاحرو و ما صدقاتش ولكن الاثر بقى معاهوم واخا تحسنات حالتهوم النفسية

- كاين لي بكثرة ما Addicted للكارو ولا الحشيش و ما حاملش راسو حيت مبلي و باغي يقطع و ما عندوش القدرة باش يطبقها كايستسلم للمصير و كايولي فينما يكمي كايحرق راسو بالكارو كدليل على ان العذاب ديال الحرقة ف الجسد را كاين عذااب كثر منو كايحس بيه ف الذاخل ديالو

- كاين لي نتيجة انه خسر رهان عبيط مع صحابو بقى ليه Scar مدى الحياة ف لحمو

كاين و كايين و كاااين قصص كثاار كايضرو ف الخااطر.. و كل واحد واشمن Tattoo ختار باش يعبر .. هادشي كايخلي الواحد يفكر 100 مرة قبل ما يسول شي حد على قصة Tattoo لي داير .. وكايخليك ما تجرأش تحكم على الآخرين و نتا ماعارفش شنو داز عليهوم .

LeonardoDaVinci

#LeonardoDaVinci_ماشي_غير_رسام_و_صافي

هاد السيد بالنسبة ليا من أعظم الشخصيات اللي دازو فالتاريخ, تزاد ف 1452 فقرية Vinci ف إطاليا, يعني سميتو ليوناردو ولد فينتشي (بحال إلى گلتي ولد الگارة ولا ولد زحيليگة ) علاش؟
حيتاش هو الإبن اللقيط ل Ser Piero  Fruosino Di Antonio Da vinci.ليوناردو دوز 5 سنين اللولة من حياتو فقرية Vinci من بعد مشا ل Florence و التحق بال atelier ديال Andrea di Cione اللي كان معروف ب سمية Verrocchio, رسام معروف ف ديك الوقيتة و بحكم ان ليوناردو كان قافز و راسو خفيف و فضولي تعلم عندو جميع الحرف و العلوم اللي ممكن طيح على بالك, أجي حسب معايا , الرسم، الكمياء، الفلسفة، الهندسة، الماط، الميكانيك، النحت، تحدادت، تخرازت، تخياطت..الخ.
السيد كان منفتح على جميع المجالات و العلوم , مللي ليوناردو كمل 20 عام, دخل لمجال الطب ف the guide of St luke بحال إلى گلتي التكوين فمجال الفن و الطب (ليسطا ديالهوم هه) غير هو ليوناردو ما قنعش بداكشي الي عطاوه على الطب و جاه داكشي ناقص, آش دار ؟ ولا كايشد الجثث و كايشرحهوم و كايدرس الجسم البشري عن قرب..الشيئ اللي كانت كاتحرمو الكنيسة ديك الوقت..مللي سالا من بنادم داز ل الميكانيك..شتي ل پرانسيپ ديال ل helicopter و التحليق هو اللي حطهوم..زيد عليها صنع أول روبو فالتاريخ اللي كان عبارة عن أسد كايتمشى و اللي كان هداه ل الملك ديال فرنسا فرونسوا الأول..من بعد داز ل السلاح و حط الپرانسيپ ديال الدبابة أو المدرعة و حتى القنابل اليدوية..اما ف مجال النحت ف من أشهر المنحوتات ديالو كان ف ميلانو اللي كان عبارة عن حصان كبير Gran Cavallo مصاوب من 70 طن ديال البرونز و اللي مع الأسف ف 1495 الدوق ديال ميلان Ludovico il Moro عطا الامر باش يدوبوا التمثال و يستعملوا داك البرونز ف صنع القنابل للمدافع باش يدافعوا على المدينة اللي كانت تعرضات للهجوم من طرف Charles الثامن..ليوناردو دوز حياتو مابين القرية ديالو Vinci و Florence و Milano و مات ف Clos Lucé ف فرنسا بتاريخ 2 ماي 1519.
و خليت ليكم أحسن ماكان ف ليوناردو دافينتشي حتى الأخير..ليوناردو كان عارف قيمة الأفكار و الإختراعات ديالو و ملي كان كاكتب المذكراته و اللي بطبيعة الحال فيها عصارة سنين حياته دار واحد الپارتية باش يحافظ عليهم من المتطفلين..و بحكم انه كان كايكتب بيديه بزوج يعني عندو كي ليمنية كي ليسرية فكتب مذكراته كلها بشكل عكسي ههه.. بمعنى إلى بغيتي تفهم شنو كتب خاصك تجيب مرايا و تقرا منها ههه..و هادشي خدا من المكتشفين وقت كثير قبل مايفكو اللغز ديال مذكرات ليوناردو دافينتشي و اللي كانت غير بالصدفة ههه

أحسن بكالا

 #الجيل_الذهبي

فاش نجحت فالبيت الخامس ابتدائي شرا ليا الواليد بيكالة من الجوطية باربعطاشرميا .. فيها كيدون عوج أو بيدال وأحد أو ماعندهاش السرج كاينة غير الحديدة ديالو مصدية تبرك عليها يجيك مرض الكزاز تولي ميت مخشية فيك حديدة يصحابك الدود غير كنتي كاتكال فالحياة. هههههههه

المهم شديت هاديك البيكالة ستيكيتها مزيان، ديجا الصيف اللي فات دوزتو عند السيكليس يعني ديجا حرايفي، صرعتها ولات كاطير أو زدت تخبرت عليها مزيان سوديت فيها واحد الشاكمة مفركعة فالجنب كانعمرها كواغط أو كانشعل فيهم العافية.. ويلي با مانعاودش ليك، أو باش كانسرعها كاع كانخشي شي كاس ديال رايبي فالرويضة لور مابين الباتانات كايولي واحد الصوت فحالا صايك هارلي، دخلت للتاريخ بهاديك البيكالا كاع ولاد الدرب كايعتارفو بيها كنت كانفزعهم كاملين فالطريق..
واحد النهار مورا الغدا هو يبان ليا البلان فيها، اشغاندير ماغندير أجي نسبغها بالكحل، أو ندير فيها هادوك اللسقات ديال العافية باش تبان مستيليا مزيان ... ترا مشيت بعيييد تيقت رآه عندي هارلي😂😂😂 ،مهم خرجت من الدار قاصد الدروغري تلاقيت مع ولد حياة سبع صنايع او الرزق ضايع، عاودت ليه البلان حيت هو فايت ليه طولوري.. قالي اودي رآه ماعمر الصباغة تشد ليك خاصك حتى تحرق الصباغة اللولة أو تحكها بزيرو عاد تعاود تصبغ .. دغيا بيعني للعجل وديلكب مشيت ديركت جبت واحد قرعة الدوليو او طلعت لسطح خويتها عليها مع لحت الوقيدة او هي تنتاشر العافية شدات فواحد المانطا أو النشير او شي سدادر مليوحين فالقنت او الرويض طلقو دخان ... انا هربت عند الجيران .. ولاد الدرب قلت مايدار التدخل السريع كايتسناو غير فحال ها شي،، كلهم طالعين شي كايقول بوطا شي كايقول المكانة وتفركعات.. مهم فالاخير طفات العافية أو تفرتكات الجوقة، أنا من عند الجيران هربت يوماين وانا كانبات غير عند عمتي كانت مخاصمة مع الواليدة، عارف ألا رجعت لدار ديك الساعة ممكن يكون الواليد باقي فالحبس لدابا.

 أو أنا باقي لدابا فينما نتلاقى مع ولد حياة كانقوليه سير الله يحرق جدبوك الكلب بسبابك ضاعت احسن بيكالا يشهد لها التاريخ فالدرب.

Music

#موسيقى

ليوم جبت لكم واحد ليست ديال المغنيين لي Underrated اي مامعطيهمش حقهم و ممعروفينش بزاف وخا الموسيقى ديالهم واعرة
أولا: l'aupaire
هاد السيد فاش تانسمع ليه و تانشوف الموسيقى لي مشهورة و تايسمع ليها بنادم تايضرني خاطري 😢 هاد السيد كتاشفتو ف 2015 اند ا واز سووو هابي احسن دياسك عندو:
Keep on stepping boy:  https://www.youtube.com/watch?v=VeeINpadQLI
Rollercoaster girl:
https://www.youtube.com/watch?v=XgTEw6ReCSs
Always travelling:
https://www.youtube.com/watch?v=hkZFEKaXCg8

التانية:Jessie reyez
موست بيوتيفول ومان 🖤🖤🖤 عندها واحد الصوت تايبورش و بدات تادير بلاستها فl'industrie ولبارح علن Calvin Harris انها وحدة من المغنيين لي غايكونو ف الالبوم ديالو جديد
احسن دياسك عندها:
Figures:
https://www.youtube.com/watch?v=mdprkGyhQh8
Shutter Island:
https://www.youtube.com/watch?v=X7_BJveYMF4
Gatekeeper:
https://www.youtube.com/watch?v=_0G2TmuDjL8

الثالت:Charlotte Cardin
هاد السيدة واعرة لواحد درجة ماتتصورش هي من كندا و تاتغني بلفرونسي و لونكلي
احسن دياسك عندها:
 Like it doesn't hurt:
https://www.youtube.com/watch?v=OOzetKrKrrA
Faufille:
https://www.youtube.com/watch?v=4j8DVTkZdCE
Dirty Dirty:
https://www.youtube.com/watch?v=H1zmgRBPLCU

الرابعة: Brishop Briggs
فكن اووووسم كندية تزادت فلينكليز دارت لبوز الصيف دلعام لي فات بالاغنية River (ماشي شي بوز دبا عندها 7M فيوتوب)
احسن دياسك عندها:
River:
https://www.youtube.com/watch?v=h5jz8xdpR0M
Wild horses:
https://www.youtube.com/watch?v=6I0hXe0cMUM
Hi-lo:
https://www.youtube.com/watch?v=zHLD-aFahh8

الخامسة:Mahalia
هاد لمرة فIndie Folk
احسن دياسك عندها:
I remember:
https://www.youtube.com/watch?v=dHcRiu7YyyA
silly girl:
https://www.youtube.com/watch?v=WrlkPQlhaks
never change:
https://www.youtube.com/watch?v=bq0gVmnmPuM

السادس:R.LUM.R
صافي تقاداو ليا لكلمات غانحط دياسك نيشان
احسن دياسك عندو:
Fraustrated:
https://www.youtube.com/watch?v=DIWIrQdPsxE
love less:
https://www.youtube.com/watch?v=jiY_KT-szg0
Tell me:
https://www.youtube.com/watch?v=H_jG36dllUE

السابعة:IAMDDB
بلاك كوين 🖤🖤
احسن دياسك عندها:
Leaned out:
https://www.youtube.com/watch?v=JJjVBe0zrHs
UR highness:
https://www.youtube.com/watch?v=ryREHDYxoMc
Panorama:
https://www.youtube.com/watch?v=vWC_NRvMXHU

الثامن:Riles
خونا فرنساوي تايغني راب اونكلي وصاااارعو عندو واحد فلو بوووحدوو
احسن دياسك عندو:
BROTHERS:
https://www.youtube.com/watch?v=hHOfd7tWZtA
I Do It:
https://www.youtube.com/watch?v=9SIUpKNCVPU

اللائـحـة الشرفيــة:
Lorine Chia: https://www.youtube.com/watch?v=Z0pZeAyZ9C0

Jamila woods: https://www.youtube.com/watch?v=asVhafDASjo

Téo: https: //www.youtube.com/watch?v=c6jNSHDirm0

Jabs:https: //www.youtube.com/watch?v=zogfg8ylk4s

SZA:https: //www.youtube.com/watch?
v=RXDOcZLmrKU

6lack: https://www.youtube.com/watch?v=PcHpIb0ytao
غا عيت اما را كل واح نلوح ليه توب 3
بس:احسن دياسك بالنسبة ليا

الحب

 #الحب_فلسفيا

قرا وماغاديش تندم ..
السلام عليكم .. ديجا هضرت على الحب من وجهة نظر علمية .. ودابا غانهضر على الحب من وجهة نظر فلسفية بغيف ..

ماغانتكلمش على الحب فالأصول العربية لمهم الحب يعني كله العذاب فالأصول العربية (حب أحب يحب) بمعنى سقط ولم يستطع القيام على سبيل المثال
أحبت الناقة بمعنى جلست ولم تستطع النهوض ..

كاينين تصورات فلسفية على الحب كآنفعال l'amour passion الحب هوى بمعنى فلسفيا أهواء النفس .. حسب النظرية التقليدية حول الأهواء عند أفلاطون كيعرف الهوى بأمراض الروح .. وتقريبا هاد التعريف بكون الحب مرض !! كاع الفلاسفة تافقو عليه بكونه شي حاجة على الأقل سلبية .. كانهضر على الفلسفة الكلاسيكية .. اما المعاصرة نوعا ما عطات واحد الإيجابية للحب .. بغييف حنا لي كيهمنا الكلاسيكية اسيدي نبداو ..
مثلا :

غانبدا ب #اسبينوزا حيت كيعجبني التعريف ديالو .. اسبينوزا كيقول " الحب ليس إلا فرح مصحوب بعلته الخارجية " بمعنى الشخص الخارجي هو سبب في فرح النفس ديالك ..

#جون_جاك_روسو كيقول .. الحب خاصنا نديرو منو أطونسيو حيتاش كيصنع لينا عالم وهمي كيشبه للعالم الأصلي لي كيخلق لينا واحد النوع من الإستيلاب
عندو نص صغير جدا كيقول " الحب ليس إلا وهما .. إنه يترك لنا وجودا آخر يجعلنا محاطين بأشياء لا وجود لها إلا في أذهاننا " .

موراه اسيدي #كانط (كيف كاتعرفو كانط فيلسوف تاقوي أخلاقي تابع للمسيحية البروتيستانتية ) كيقول : "الحب أكبر خطر يتهدد الفرد " بما أن ماهية الإنسان الأخلاقية عند كانط هي الواجب وأن لي كايحرك الحب هو ديك اللذة والرغبة .. إذن الحب كيتعارض مع الأخلاق المطلقة لي كاتهدد الإنسان بأن يفقد إنسانيته .. إدن ماخصناش نقلبو عليه ومانطيحوش فيه أصلا ..

ندوزو #لجاك_لاكان اسيدي كيقولك أن تحب ( بكسر الحاء) في الأصل هو أن ترغب في أن تحب ( بفتح الحاء) إنك في النهاية لا تحب إلا ذاتك .. وكيقول واحد التعريف رهييييب آخوور .. " الحب هو أن تعطي لأحد شيئا لا يريده ونحن لا نملكه " بمعنى أنك غاتعطي شي حاجة ماعندكش لواحد ماباغيهاش حيتاش الشخص أصلا كايبغي راسو يريد ذااااااته .. باش تفهم هادي خاصك تكون عندك مع التفلسف ..

إلى خديناها بالجدل الهيغلي غاتولي موضوع تشييئي ضرفي حيتاش غاتولي عبدا مغاتوليش شخصا مستحق للإهتمام أصلا

 #نيتشه
ديجا ناقشنا القولة ديالو هنا ف الكروب نعاود ندكر بسرعة .. نيتشه كيقول .. باش نستامرو ف الصداقة ومانطيحوش ف الحب يجب أن يكون هناك تنافر جسدي بمعنى واحد فينا خصو يكون خايب يكون مازوينش باش تكون صديقي ومانديركش حبيبي ..

 #باسكال ..

غانعطيكم نص مطرجم من الفرنسية من كتاب pensée ومغانشرحوش بزاف يقول باسكال :
" إذا كان هناك شخص يحب شخصا بسبب جماله ، فهل يحبه فعلا ؟ لا ! لأن الجذري (بمعنى المرض المزمن) الذي سينهي جماله دون أن يقتل شخصه سيجعله شخصا غير محبوبا .. ثانيا ، إذا أحببنا شخصا بحسب تقديرنا له ، بحسب قوته الذهنية ، وبحسب قيمته عندي ، أو إذا أحببت شخصا بسبب ذكائه وفطنته فهل أحبه فعلا ؟ لا ! لماذا ؟ لأنه قد يفقد ذكائه وفطنته .. أين هو إذن هذا الأنا الذي ينبغي أن نحبه والذي ليس هو لا الجسم ولا الروح ، وكيف يمكن أن نحب الجسم أو الروح إن لم يكن الأمر متعلقا بخصال فيهما وهذه الخصال ليست هي ذلك الشخص بما أنها قابلة بأن تنعدم فيه .. هل سنحب ماهية أو جوهر الروح الخاصة بشخص ما بشكل مجرد بمعنى هل نحب المجردات ؟ هذا محال !! إننا لا نحب شخصا بل نحب صفااااااااات " لي يمكلينا نفهمو هو أنه كانبغيو صفات لي ف الشخص حيت زوين حيت عندو المال حيت كيلبس مزيان فلحظة نقلبو عليه إلى تحيد منو هاد شي كامل وهذا فعلا يعاش لهذا كيقولك باسكال "الحب لا يوجد" " الحب وهم"
بالنسبة لشوبنهاور عندو قولة رهيبة حول الحب " الحب خدعة الطبيعة من أجل التوالد " باش نفهمو هادي خصنا نفهمو أولا فلسفة شوبنهاور الخطيرة أجيو تفهموها ..

#شوبنهاور
وأخيرا ... شوبنهاور يقول " الحب خدعة الطبيعة من أجل التوالد " وباش نفهمو هاد النظرية البسيطة والعميقة خصنا نفهمو فلسفة شوبنهاور لذا قررت نشرح فلسفة شوبنهاور و لي فهمها غايفهم مضمون القولة .. شوبنهاور بلا ماندوي عليه شكون هو ابحثوا تجدوا .. سيرته الذاتية موجودة .. فيلسوف غريب جدا .. كاتهمنا فلسفته .. عندو كتاب سميتو "العالم كإرادة وتمثلات" وكيبين بشكل واضح فلسفته .. شوبنهاور كيقول أن العالم شيئان :
العالم في ذاته : لي كيعتابرو هو الأصل .. و هو لي كيسميه العالم كإرادة .. والإرادة كايعني بيها الطبيعة .. والطبيعة هي ديك الحركة والهياج الدائم لي ماكيتقاضاش صباح مساء ماعندوش أصل وماعندوش نهاية دورة حياة يولد هادا و يموت هادا يتبدل هادا يتحيد هادا إلخ .. ويلا جينا نهضرو بلغة نيتشه العالم كإرادة هو داك القوة الأولى العمياء و الصماء قوة لي مكاتساليش بتاتا و مايمكنش لينا نعرفو منين جات تتواجد ف الطبيعة . والإخوان الملاحدة المحترمين غايفهموني كتر ..
العالم كتمثلات : بمعنى كيفاش كنتمثلوه حنا وكيفاش كانفهموه حنا .. لي كايتضمن مفاهيم بزاف مثل الخير و الشر و الحب والموت و الشياطين و الملائكة إلخ إلخ .. وكيتعتابر هاد العالم هو فرع من عالم الإرادة و القوة .. وعالم التمثلات هو لي كاينتامي لعالم الإرادة بمعنى نحن البشر لي كانتاميو للطبيعة و ليست الطبيعة لي كاتنتامي لينا و الدماغ لي كانفكرو بيه هو منتوج مادي( مواد كيمياوية) لعالم الإرادة ماشي عالم الإرادة وعالم المواد هو لي كينتامي للدماغ ..
ف بالتالي قوة الطبيعة كاتدفعك باش تزاوج وتولد باش تستامر الحياة و الحب هي خدعة الطبيعة من أجل توالد موجوداتها .. ومن هنا نختم موضوع الحب من منظور فلسفي .. شكرا لتتبعكم.

علوم بتخسار الهدرة

#كوسمولوجي
#اسطرولوجي
علوم_بتخسار_الهدرة

شي معلومات على هاد التخربيق لي ضاير على ماتأنسطالات لييا واحد اللعبة.
.الارض كاينة فمجرة درب التبانة، هاد درب التبانة فيها تقريبا 200 مليار نجم و لي القطر ديالها هوا 1،000،000،000،000،000،000 كيلومتر او 100000 سنة ضوئية.. حنا جينا بعاد على الصونطر ب *8kpc او 26000 سنة ضوئية

هاديك * 1kpc كاتساوي تقريبا 3.26 سنة ضوئية

.فالوسط ديال المجرة ديالنا و اغلب المجرات كاين ثقب اسود عملاق، فالحالة ديال حومة الحليب الثقب الاسود عندو كتلة ملاحظة ديال الشمس، 4 دالمليون مرة، سميتو ساجيطاريوس آي.
.الارض تاضور على الشمس بسرعة 107،000 كيلوميتر فالساعة و الشمس (بالمجموعة الشمسية كاملة) تادور على وسط التبانة بسرعة 700،000 كيلومتر فالساعة، و حيت الكون تايتمدد، المجرة تاهيا غادا سيزيام ب 2،200،000 كيلومتر فالساعة.
.لا كنا غاديين بسرعة الضوء خاصنا قل من ثانية و نصف باش نوصلو للقمر، 4 سنين و 100 يوم باش نوصلو لأقرب نجم خارج المجموعة الشمسية، 26،000 عام باش نوصلو لساجيطاريوس آي، 2،500،000 عام باش نوصلو لأقرب مجرة لينا، و 78 مليار عام باش نوصلو لحدود الكون الملاحظ لحد الآن.
.القمر بعيد علينا ب360،000 كيلومتر كأقرب جسم للارض و راه تايبعد علينا ب4سنتيمطر فالعام حيت السرعة ديال الدوران ديالو على الارض تاتزيد (ماكاينش احتكاكات فالفضاء و من غير الارض و الشمس ماكاينة تا حاجة قوية لدرجة انها تنقص ليه من السرعة ديالو).
.لا ماكان لا سحاب لا ستة حمص ممكن للواحد يحسب بعينيه 3،000 نجم ماكسيموم، 100،000 بطيليسكوپ صغير، و هادشي را تا خرية حيت غير المجرة ديالنا فيها تقريبا 100 مليار نجم، و هابل (الطيليسكوپ الغني عن التعريف) عطى تقريب لعدد المجرات الملاحظة، بين 100 مليار ل200 مليار مجرة، ضربو الحساب لشحال من نجم كاين، غادي غي نكتر لملاير هنايا.
.الحرارة فالارض بين ناقص 50 و 50 سيلسيس، فالقمر بين ناقص 153 و 107، فڤينوس (الزهرة) تقريبا ديما 462، سطح الشمس 5،700 درجة و نواة ديالها 15 مليون درجة، السوپر نوڤا تاتكون حرارتها 100 مليون درجة عل الاقل منين تاتفرڭع، و اكبر درجة حرارة وصل ليها الانسان 2 دالمليار درجة اما اكبر درجة حرارة دازت فتاريخ الكون هي 140،000،000،000،000،000،000،000،000،000،000 درجة، مور البيغ بانڭ ب10 اس ناقص 43 ثانية.
.كاين على الاقل 100 مليون ثقب اسود فدرب التبانة، و ما لا يحصى ديال الثقوب فالكون كامل حيت كتار بزاف (شوف فالسما دابا، اي نقطة شفتيها ماتاتبريش عندها حظوظ كبيرة تكون ثقب اسود).
.الثقوب البيضاء فرضية تايضرسوها مؤخرا، ماعارفينش واش غادي يكونو ولا لا، المهم دابا كاين 0 ثقب ابيض فالكون حيت العمر ديالو باقي صغير بزاف باش يتكون ثقب ابيض ولا بلي تايطراو بشكل مفاجئ و ففترة زمنية قصيرة بزاف (تاتختالف الفرضيات على المصدر ديال هاد الثقوب و لكن كاين بزاف تايقولو بلي غادي يكونو فالمستقبل، و كاين لي تايقولو بلي الانفجار العظيم جا عن طريق ثقب ابيض، لا لقيت اسئلة على الموضوع غادي نكتب مقال).
.كاين على الاقل 60 مليار كوكب فالكون لي ممكن تكون فيهم حياة، و مارس هو اكثر كوكب معروف لي يمكن للانسان يعيش فيه، غير هو الهواء ديالو بحال الهواء تما بحال الهواء ديال الارض لا طلعتي 16 كيلومتر فوق البحر (4 ديال توبقالات واحد فوق لاخر) و سطرو على معروف حيت كاين احتمال كبير يلقاو ما كتر من مارس فالسنين القادمة.
.اكبر (فالعمر) كوكب معروف سميتو ميثوزيلاه، 12،400 سنة ضوئية باش بعيد علينا فعمرو 12 مليار و 700 مليون عام، و تايشكل علامة ستفهام كبيرة على كيفاش دار تكون حيت غريب يتكون كوكب على قدو ف مليار سنة فقط من مور تكون الكون.
.كاين كواكب تاطيح عندهم الشتا حجر، ما قاطع (لاسيد)، لاڤا و حتى الالماس، نيت كاين واحد الكوكب سميتو 55 كانكري ضارب الارض فجوج فالحجم، تقريبا كلو الماس، تايسوا 29 نونيليون دولار (29 موراها 54 زيرو).
.معلومة غريبة شوية، آيتش دي 188753 كوكب بعيد علينا ب 151 سنة ضوئية تايضور على ثلاثة ديال النجوم، تايدور على نجم لول، و بجوج تايضورو على نجم ثاني و بتلاتة تايضورو على نجم ثالث، فورصوم و صافي ههههه
.النجوم الكبرى فالكون غاليباً تايكونو نجوم متوحشين ولاد الكلاب، تايقصيو نجوم صغر منهم و تايحبسوهم فالوسط ديالهم. هادشي تايطرى منين تايكونو جوج نجمات وحدة حدا لاخرا (بحال 80% ديال النجوم لي تكتاشفو) و وحدة تاتكون كبر من لاخرة و "تاتاكلها" و تاتبقى بوحدها.
صافي عييت من الكتابة، الخمسة دالصباح هادي أ الخوت و داكشي تآنسطالا، لا كان شي موضوع خاصو الشرح كتبوها فكومنتس نكتب عليه مرة جاية.
نسيت، راه هادشي كامل غير باش تعرفو شحال حنا صغار و بلي غالباً حنا ماشي بوحدنا فالكون.
المصادر : https://www.nasa.gov
http://www.space.com/
http://www.physicsoftheuniverse.com
الصورة باين شنو فيها، طرجمت داكشي لي ماكانش باين و مالقيت كيندير للسميات لاخرين حيت العربية غادي تسطيني لا بقيت نطرجم كلشي.

تقليد عجيب

#تقليد_عجيب

كاين واحد التقليد غريب و عجيب و فالصراحة المخ د زبي وقف فاش شفتو ههه.. كايديرو واحد الشعب فأندونيسيا سميتهوم "التوراجا  The toraja" اللي المعنى ديالها People of the highland "سكان الرض المرتفعة" .. نعطيكم بعدا واحد التعريف خفيف ظريف على هاد ل village عاد نرجعوا ل داك العجب، وخا ؟ 
التوراجا the toraja هي واحد الجماعة عرقية كاينة فالجبال ديال South Sulawesi بأندونيسيا.. يبلغ سكان هاد القرية تقريبا 1100000 نسمة.. هاد المليون و ميا ديال بنادم فيها 5 ديال الديانات .. كثر من النصف ديال هاد الناس مسيحيين و النص ديال داكشي اللي بقى مسلم و النص ديال داكشي اللي بقى متبع واحد الديانة محلية سميتها The way of ancestors "طريقة الأسلاف" و الشي اللي بقى فيه البوديين و الهندوس هما القلال گاع ..
آجيو دابا ندويو فالتقليد ديالهوم .. هاد الشعب كايدير واحد الحفل او festival اللي سميتو Ma'nene .. كايديروه كل 3 سنين بالضبط فشهر غشت .. كايمشيو كايحفرو القبور ديال الناس اللي العزاز عليهوم و ماتو و كايجبدوهم من التوابيت ديالهوم و كاينقيوهوم و يلبسهوم احسن حوايج و يمشطوا ليهم و يديرو ليهوم حتى النظيظرات.. المهم كايفركسوهوم مزياان تگول حيين.. و كايفرحوا بهم و يضربو بيهم دويرة يضربهم الهواء و من بعد كايردوهم للثوابت ديالهم من بعد ما ينقيوهم و يزينوهم ولا يبدلوهم گاع..غاتكونو كاتساءلوا علاش هاد الناس كايديرو هاد الحزاق و كايبرزطو الموتى ديالهم هاكا ..الجواب اللي متداول و اللي جا على لسان أحد سكان ديك القرية هو the dead deserve to look good "الموتى كايستاهلوا يبانوا مزيانين"..هادشي كايديروه الناس باش يعبروا عن الحب ديالهوم و الإحترام لموتاهم..و هاديك هي طريقتهم..و لو كانت غريبة و كاتوقف الزغب ههه 
نتمنى تكونوا استافدتوا..و اللي بغا مزال إتعمق راه مجوود الخير.. Peace.

#جمال الطبيعة

#الحب_كيفسر_الجمال_فالطبيعة*

فسنة 1995 مجموعة ديال الغطاسة غادي يلقاو فقعر بحر فاليابان بزاف ديال الدوائر الغريبة فواحد المنطقة و لي مرسومة على الرواسب لي كتكون فالقعر، تا حد مقدر يعرف منين و لا شكون كيصاوب هاد الاشكال الغريبة لمدة ديال عقد من الزمان تقريبا من بعد ايعرفو بلي الفنان لي كيدير داك الزخرفات هو نوع جديد من pufferfish (داك السمك لي كيتنفخ)  سميتو(Torquigener sp) ولي دراسة من بعد تبتات بلي داك السلوك ديالو هو لجذب الانثى لتزاوج و طريقة النحت ديال داك الدوائر الرائعة كيديرها بالزعانف  و كثر من سيمانة و هو كبخدام فهادشي(شوف الفيديو) باش فلخر يعطينا هاد المعجزة سمكة صغيورة بطول 12سم كتصوب داك الشكل لي القطر ديالو تقريبا 2م.
الهدف من هادشي هو الانثى تجي فلخر و تشوف داكشي باش تزاوج معاه ولكن الباحثين معرفوش شنو الحاجة بالضبط لكتجذب الانثى فداك الشكل و كتخليها تزاوج معاه. من بعد الانثى كتحط البيض ديالها فوسط داك الدوائر باش من بعد الذكر كيلقحهوم و كيبقا عساس على البيض لمدة 6 ايام اما الانثى كدير البيض و كتمشي فحالها.
الفيديو كاين فاليوتوب كنتمنى تشفوه حيت منقدرش نوصف داكشي كامل، منقدرش نوصف درجة التعقيد فالحياة لي مكتساليش فهاد الكوكب و ايلا كانت شي حاجة ممكن نوصفو بيها الطبيعة فهي "الجمال"  لي كاين من اصغر التفاصيل تا اكبر حاجة ،اول مرة كنفهم شنو هو "عقل الطبيعة" وكيف قال المعلق على الفيديو  if this doesn't get him noticed, nothing will
https://youtu.be/p1PID91sEW8
====================

(*) على سبيل الاستعارة

#انتريخستوس

فهاد الاواخر كان واحد الكتاب 📖 سميتوا انتريخستوس منوض ضجة فاش جيت نقراه لقيتوا بلي ادبيا و فنيا و علميا لا علاقة  و كيدوي على الماسونية  (قالك سرية قال هاهاها قراه بالمصرية ) و قررت ندوي على هاد القضية لمبرزطين لينا كرنا بيها لهميم ديما تنسمعوا على نظرية المؤامرة و اليوتوب عامربفيديوات كتهدر عالمؤامرة .. ها مؤامرة ضد الإسلام ، ها كائنات فضائية تحكم فينا و سحالي فضائية و إلخ من النظريات إلي ما عندها حتى علاقة بالمنطق (قالها عزوز عطينا لوجيكك ) ....
🤔🤔🤔
خاص نفهموا بلي " الإيمان بنظرية المؤامرة "  هو   acquis évolutif essentiel كيفاش ؟
المخ ديالنا كيدير  des calculs de probabilités باش يتجنب لخطر و المفاجئات وسط هادشي كامل يمكن اوقعوا Des coïcidences 😱 ...و هادالشي هو لكيخرب الحسابات الأولية لإنسان و إلي يخلي رد الفعل يميل باش يصدق المؤامرة ...
مثلا  إنتي او انت و خوك وحدكم في الدار و في بالك أمكم خلات ماكلة 🍗 تجي باش تأكل مكتلقى والوا يجي في بالك خوك كلاهاحيتاش مخك حسب الإحتمالات ديالوا و لقى في ديك الحالة بلي الاحتملات كاملا تخليه يشك في خوه  ... (لمهيم بعض المرات يمكن نيت ايكون خوك و هادشي تاهوا عندوا تفسير مرتبط بنظرية التتطور المقال الجاي ندوي عليه خلينا دابا فالموضوع ديالنا )و بالطبيعة الحال ميقدرش يخمم بلي أمو مخلاتش ماكلة من أصلوا حيتاش كان واخذها مسلمة ..
بلا متخاف ايلا كنت كتعتقد بشي مؤامرة حيتاش الإعتقاد بنظرية المؤامرة ماشي مرض و ماشي هبال حيتاش الإنسان في حالتوا الطبيعية يؤمن بالمؤامرة .. بالطبيعة كل حاجة تقرى عليها و تفهمها تخلي إيمانك بنظرية المؤامرة ينقص ...

و الإيمان بنظرية المؤامرة ماشي حكر عالعرب بوحدوهم غير باش منقولوش راه التخلف هو السبب ⁉️
مثلا
17% مالفرنسيين كيؤمنوا بلي الإحتباس الحراري مؤامرة و 51 % كيؤمنوا بلي الأميرة ديانا ماتت مقتولة و 22% كيؤمنوا بلي كاينا طائرات كتنشر فمواد كميائية باش يسيطروا على الناس و 6.5 % منهم كيعتقدوا بلي الصعود للقمرة كذبة و 33% كيؤمنوا بلي الإقتصاد العالمي تسير فيه منظمة سرية و الناس ديال الارض مسطحة و زيد وزيد الخبار فراسكم و نتا اشناهيا المؤامرة لكنتي اولا باقي كتأمن(ي) بيها ؟
وشكرا

Tomorrowland

#Tomorrowland

شالوم🤘، اليوم جيت نهضر على أرض الغد او ♡Tomorrowland☆ جزيرة نبتات بدون شجر وبدون ماء ولات ارض فيها كل ملاذ الحياة ولات قِبلة للناس صحاب المتعة و الحب ، كاتجمع ناس من جميع اركان العالم متافقين على واحد الحاجة وهي الرقص على أنغام الموسيقى و شرب الكحول (لمن يريد ) لمدة 3أيام ، ماتحتاج تلبس احسن ماعندك باش دخول للجزيرة لي كايخصك وهو المال و تيشرت و شورت صافي
توموررولاند او ارض الغد هي واحد الجزيرة الإسم ديالها "بووم" بدولة بلجيكا الشقيقة هههه ديال واحد خونا بلجيكي قرر يستثمر فيها ويدير مشروع كبير بزاف وقسَّم الجزيرة على 20 منصة غنائية لأشهر ' Dj' بالعالم والعاملين بعالم الموسيقى .... ، ودار اماكن مخصصة  للنوم فيها خيام و شاليهات مجهزة من الداخل و الخارج وبلايص الشراب ووو.....
بدا المهرحان ف 2005 بمشاركة 10 000 زائر و كبر العدد من بعد و صبح 180 000 زائر ،كايبدا المهرجان ف شهر 6 من كل عام و التذاكر فاش كاتحطو للبيع ف ابريل تايساليو ف 30 دقيقة و يمكن اقل ، المهم المستثمر البلجيكي دار حتى طائرات مخصصة للمهرجان مجهزين من داخل و الخارج . يعني مكبرات للصوت و ديكورات مجهدين بزاف و احسن صانعي كوكتيلات فالعالم . تديك الطيارة من بلادك حتى ارض الاحلام 😎 ، يعني تقدر تكون افضل رحلة فالحياة ديالك فاش تكون ف تموررولاند ، المهرجان خدا جوائز كثيرة منها افضل حدث موسيقي international_Dance _Music_Awards#للأعوام 2012 و 2013 و 2014 و جائزة أفضل مهرجان في _Red Bull Elektropedia_awards للأعوام 2011 و 2012 و 2013 ، لي بغى يحضر لهاد المهرجان العالمي أول حاجة تكون عندو 21 عام و باسبور ساري المفعول و تكون واجد فاش كايحطو التذاكر للبيع كيما قلت فالاول راه تقدر تباع التذاكر ف اقل من 30 دقيقة ، دابا نهضرو على ثمن التذاكر للدخول و الاقامة ،ثمن تذكرة للدخول هي 350$(دولار) ولا كنتي بغيتي الاقامة في Dream ville(مخيم خاص بالإحتفالات) ثمن هو 50$, كاتوصل تذاكر Vip حتال 1000$ لكن بعدما تحضر للحفل متأكد ماغاديش تحس(ي) أنك(ي) تقولبتي هههههه ، مهم تفرجو ف فيديو Tomorrowland After Movieو حكمو بنفسكوم على الاجواء  ، #ملاحظة : راني ختاصرت بزااااف باش منطولش عليكوم المقال . راه شحال من حاجة ماقلتهااش مثلا غاا يكون هاد العام ف مدينة دبي لي انشاء الله نقدر نحضر ليه ههه

أفلاطون

#أفلاطون

هاد الساط تزاد فواحد الأسرة عريقة و شابعة صرف ، كان عندو هدف واحد فحياتو هو : يعاون الناس يوصلو لواحد الحالة سماها ب : الرفاهية-الكمال ، هاد الأخ ديما كانخلطو بينو و بين سقراط ، سقراط كان عشير أفلاطون علمو بززاف دالحوايج غير هو هاد سقراط دزبي ماألفش الكتب عكس أفلاطون لي كتب بززاف ديال الكتب ، 36 كلها حوارات خيالية زوينة و ديما سقراط كان البطل منها : الجمهورية ، الندوة ، القوانين ، دفاع سقراط ..
هاد أفلاطون كانت عندو 4 ديال الأفكار باش يخلي الحياة أرفه
1 فكر أكثر (عرف راصك اغويا) و ماتمشيش بالمشاعر ديالك
2 دع حبيبك يغيرك (سعدات لي مصاحب دابا غاعيش الرفاهية عما قريب) ولكن خونا قال بلي الشخص لي تحتاج تعيش معاه خاص يكون عندو سمات عالية لي حتا نتا ماعندكش (مهم اتمنى لكم حظ وافر باش تلقاو هاد الشريك دزبي فالمغرب)
3 حل شفرة رسالة الجمال ، أفلاطون كان أول واحد سول "علاش كانبغيو الحوايج الزوينة" و لقا السبب المبهر لي هو ان هاد الحوايج الزوينة تقولنا حقائق مهمة عن الحياة الطيبة يعني هاد الحوايج كاتعاوننا باش نضويو (ننير) الأرواح ديالنا ، أفلاطون كايشوف الفن علاج
4 إصلاح المجتمع : أفلاطون دوز بززاف دالوقت كايفكر كيفاش الحكومة و المجتمع يخدمو مزيان (مبروك عليكم تشكلات الحكومة ) كان متأثر بمدينة سبارتا ، خونا بغا يحايد الديموقراطية من أثينا و لكن مايبدلهاش بالديكتاتورية هو بغا غير يمنع الناس من التصويت حتا يولي عندهم تفكير عقلاني (هادشي لي خاص هاد الشعب لي عندنا وخا التصويت غا مسرحية)
كان الهدف ديال أفلاطون هو يكونو السياسيين فلاسفة  حيث قال : العالم لن يكون صحيحا إلى أن يكون الملوك فلاسفة أو الفلاسفة ملوكا .
شكرا على القراءة نتلاقاو العام جاي مع شي فيلسوف آخر

موازين

#الشعب_دزبي

جيت نهضر ليكم على موازين  بلا منهضرو على التنضيم د والو (هادي ولفناها ف هاد البلاد السعيدة ) انا جيت نهضر على شكيطرا ملي كيطفاو الكاميرات وكادوز الاسرة العلوية يمشيو بحالهم انا بغيت نهضر على الاوباش د زبي لي مخلين طبون مها هاد البلاد ديما اللور . هاد ولاد القحاب مزال مابغاو يديرو عقلهم البارح بنادم بحال الحمير الدفيع و ااعصا بحال الى ف شي حرب اهلية  فينما كان شي حمار لبارح جمع 40 ولا 50 من حومتو و مقاتلين مع حومة اخرا  تال ايمتا يا ولاد القحاب انبقاو هاكا
بنادم غادي مع صحبتو ف موطور  هالي كايضرب فيهم شي كايدفل شي جار البنت من شعرها علاش يا ولاد القحاب علاش  و  واحد البنت مسكينة ضار بيها 50 مكبوووت ها لي كايخور ها لي كايخشي يديه  ها لي كيضرب شي جار الصاك  (كون كانت عندي شي ak-47 كون بديت كانقي فيهم )  والله حتى داك بوزبال خاص ل دينمو ابادة جماعية

Snapchat

مول السنابشات مبغاش ايبيع لمارك زوكينبورغ السناب و هاد ليام راه مارك  ليه داير لينا الطيارة ، بهاد السطوري ، فانستغرام ، واتساب ، فايسبوك ، هاد اللعبة الحقيرة لعبها قبل مع تويتر و دار الهاشتاغ و مطلعوا والو مباعوش ليه تويتر ، و هاد التخربيق لي دار راه ف ادارة المال و الاعمال تاتعني بلي راه سنابشات حسن منك و تاتنقل منهم و نتا تابع لا قائد ..... مارك تايجيني بعض المرات بحال المغاربة اتيشوفو شي حاجة مشروع خدام تايديرو بحالوا

فتح عقلك الايونوسفير

#فتح_عقلك_الايونوسفير
عمرك سولتي علاش ف التلفازة منين كتشوف التردد د شي قناة كتلقاه كبير بزاف مثلا 20000 mhz هذا راجع لأول سبب اللي هو إيصال المعلومة واضحة تفاديا لظاهرة الخمود كين سبب آخر اللي هو طبقة الايونوسفير اللي هو واحد الطبقة ف الجو تكونات بسبب التفاعل ديال الغلاف الجوي بسبب الأشعة الفوق البنفسجية و عطاتنا ايونات موجبة و الكترونات هاد التركيبة كتسمى البلازما و جات على بعد 80 كيلومتر من سطح الأرض إذن اشنو هي علاقتها مع الموجات د البث هاد العلاقة هي أن هاد الطبقة كتخدم بحال شي شبكة كتدوز الموجات دات الترددات العالية و كتعكس المنخفضة تقدر تقول كدوز اللي كثر من 1 mhz شرط انو يكون كبر من هاد القيمة بزاف باش ما يكونش تشويش و كتمشي الموجة للقمر الاصطناعي اللي كيولي يدير البث و كدوز عاوتاني بنفس الطريقة تقدر تقول هاد البلازما إلا كانو الترددات عالية كتخدم معاهم بحال الفراغ ما كين والو و هاد الطبقة كانت شحال هادي كتستغل حتى ف الراديو بحيث كانوا كيطلقوا الموجات د البث بتردد منخفض و كتعكس و كترجع البلاصة اللي مستهدفة للبث و لكن هاذ الطريقة كانو فيها مشاكل كثاااار .
بوعزة من طنزانيا

نقربو ليكم الصورة باش تعرفو الجُنون لي واقع ف العالم
كوريا الشمالية بقيادة المجنون كيم تونغ كتستاعد لتجربة نووية جديدة في احتفالها بذكرى ميلاد كيم إيل سونغ مؤسس كوريا الشمالية الحديثة.... المجنون ترامب ماعجبوش هاد الشي ناض هضر معا الصين باش تتدخل وتوقف لي غا يوقع... لالة الصين مقلقة من ترامب لأنه ضرب سوريا بالصواريخ.. قالت ليه ماشي سوقي وماتهضرش معايا أنا مخاصماك.. المجنون ترامب قال أنا لي نستاهل حاشيتها ليك.. ناض حرك السفينة الحربية الأمريكية وحاملة الطائرات "كارل فينسون" هي وعدد من السفن الحربية الأخرى وبالتعاون مع اليابان في اتجاه سواحل كوريا الشمالية... الصين منين شافت هاذ شي حركات 150 ألف جندي من جنودها وحطاتهم على الحدود معا كوريا.... المجنون كيم ديال كوريا الشمالية طبعا ماسكتش ..ناض صدر أوامر بإخلاء العاصمة الكورية الشمالية بيونج يانج من السكان واستدعى 200 صحفي من مراسلي الصحف العالمية.. وقاليهم انتظروا المفاجأة...
ودابا العالم كامل مازال كيتسنى هاذ المفاجأة وكيتسنى شنو غيوقع بين مجانين العالم..
لي فكرت فيه هو الي ضرب كيم أمريكا بالصواريخ.. غتدوز فوق المغرب... وهاذ الصواريخ عمرها تجربات ف الحرب... يعني لا كان سوء تقدير ف المسافة ولا خطأ تقني مشينا ومشات المغرب يا ربي سلامة ههههههههههه

كريم
اللقب :BABO
طنجاوي مزداد فمدينة utrecht هولندا
ر ئيس اكبر مفيا للمخدرات الصلبة الكوكايين والحشيش
رون الشرطة الهولندية عارفين عليه كلشي ولكن لا وجود للأدلة كيدخل السجن وكيخرج بفلوسو حاليا مقيم فبلجيكا Antwerpen باقي فنفس الميدان المهم هو للي حاكم فهاد الميدان فهولندا وبلجيكا هاديك للي لاسقا فرجلو بحال الساعة
هي GPSديال الشرطة باش يبقى مراقب فين ما كان وحاليا ممنوع يخرج من بلجيكا لمدة 5سنوات . عايش عيشة الملوك خلينا من البزنازة د جوج د ريال 😃🙊